مدونة عبد اللطيف المجدوبي

ما يدوم حال ما قالوهاش صدفة اللي فراقهم ما يجيك للبال كل واحد فين گفى مشات كل أيام الوصال والفرحة كانت غير ضيفة لا تشريش الحسناء بالمال راك غير توريها الحرفة تبدلك بلي دازك بريال غي تشوفو تجمع الوقفة تخليك مصدوم بحال التمثال ويلا تحركت حركتك غير رجفة يا إنسان كيفاش تطلب الكمال وانت أصلك نطفة ما يدوم حال ودوام الحال غير طرفة ما نيش نسيء الفال ولا نسخر ولا نتشفى الايام بين الناس دوال وكلنا مسگيين بمغرفة حتى أنا شحال قريت من امثال وملي طبقت غلطت فالوصفة حضنت ثعبان بالبرد ذبال وتلوى عليا منين دفى ما يدوم حال لا تغرك الولفة اللي قطعت لعندو لميال توصلو يردك بالحفا

كيفاش يحلى نعاسك يا واكل رزق ليتيم من النار درت لباسك الموديل آخر تصميم تفصل لحكام على مقاسك الورد تردو برسيم كيفاش يكون احساسك لوكان ولدك كان يتيم ما زال يريب ساسك وذريتك يضربها ضيم فالغابة ينصل فاسك وتولي تجمع فالگديم فالاخرة يمشي باسك ويكون الله ليك خصيم هاك قرى كراسك يجبدو ليك الجديد والقديم قدام الله تقطع انفاسك كلامك همس وتبرگيم تفضح قدام ناسك يعرفوك من الحرام كنت فنعيم الشيطان اللي غرك ساسك ورماك وسط الجحيم يقولك لوم راسك أنت اللي كنت غشيم

شداتني الضرسة في هاد الليل وما بغات ترسى حرها ردني ذليل كل ما يتقسى لعندها يميل حرمت عليا الجلسة مع لحباب ولخليل وزادتني فقسة غير نتفرج فالطبسيل دموعي داير ليها دسة لو كان كنت وحدي تسيل دارت لي هسة راسي عليا ثقيل كتبت باش ننسى الله يدير شي تاويل يحمد ربي اللي بالعافية تكسى واخا يكون المال قليل تفهمني الناس اللي حاسة ومجربة هاد الويل الله يعافيكم من الضرسة ويشافي كل عليل

 نشرت فيديو على صفحتي على الفيس بوك، يتضمن ردا على الدكتور علي منصور الكيالي بخصوص عذاب القبر، وقد فوجئت بتعليق يطلب صاحبه مني أن أرد على فضيلة الشيخ محمد متولي الشعراوي، لذلك رأيت أنه من اللازم كتابة هذا المقال لأوضح فيه الكثير من الأمور: 1- لا نحتاج إلى الرد على الشيخ الشعراوي، بقدر ما نحتاج إلى توضيح موقفه الذي لا يستوعبه الكثير من الناس؛ وبيت القصيد من هذا الكلام هو التنبيه إلى أن المعلق كان يعتقد أن الشيخ ينكر عذاب القبر جملة وتفصيلا، وبالتالي فهذا يهدم ردنا حول رأي الدكتور الكيالي. لكن المعلق نسي أنه احتج علينا برأيين متعارضين يفند بعضهما بعضا، فالشيخ الشعراوي يعتبر عذاب القبر متمثلا في عرض العذاب على الكافر/العاصي حين موته،( يعني العذاب الذي ينتظره يوم القيامة). بينما الدكتور الكيالي لا يكتفي بإنكار عذاب القبر، بل يجزم أن الكافر يكون "راقد ومرتاح" كما قال في أحد فيديوهاته، ويعني بذلك أنه يكون في مرحلة فناء. 2 - الشيخ الشعراوي له فيديوهات كثيرة حول عذاب القبر، ولمعرفة رأيه الحقيقي لا بد من ترتيبها زمنيا حتى يتم تحديد موقفه النهائي، لكن الواضح مما اطلعنا عليه منها هو أنه...

  بحر الشعر ما دخلتو بلعاني غير انتِ اللي علمتيني نكتبْ كنتْ نباتْ سهرانْ نعاني في فراشي نتعذب شاعل وما باينْ دخاني نار قوية فيَّا تلهب بعدما كنت عايش هاني كلشي في حياتي مرتب غير شفتك ربّي بك بلاني وكل ما كنت بانيهْ تخرب الليالي ندوزها وحداني في نجوم السّما نحسب صورتك ما تحيد من بينْ عْياني غير نتفكرك قلبي يتعطبْ لوكانْ غيرْ جا برّاني نسمح فيه ونهرب عشتْ طير مكسر منْ جنحاني وكسري ما يجبّرو لقصبْ ثلاثينْ سنة فراقها رشّاني يا اللاّيم باراكا ما تستغربْ واخا ثَلْثْ سنينْ عدَّاتْ منْ زماني الحسنة عند الله فعشرة تتضربْ نقدر نحبها حتى يولّي لعمرْ فاني لكنْ أمر الله غْلبْ تمَّا مسحتْ دموعي واحزاني وعمرُو عنْ طوقُو شب كيفاش نحب اللي بكاني ورماني فِي غَيَابَاتْ الحُبّْ؟! يلا كان هذا حبيبي كيف يكونوا عدياني؟! على هاد السؤال ما قدرت نجاوبْ

 يا اللّي تقولِّي كيف كان الفراق؟! الفراق راه كان صعيب كيف السم ما لقيت لو ترياق لا فطب حديث لا تعشيب جرح قلبي زادُو لو لعماق ما برى ما نفع معاه طبيب والطابلو طحالُو تعلاق تلّي رقمك وسبّق رقم لحبيب فرحتْ لنجاحها ونسيتْ الفراق والبسمة فوجهي ما بغاتْ تغيب ونجاحي بسال ما بقالو مذاق خسارتي لفاتحة منها القلب يطيبْ خفت نبكي يقولوا هذا لحماق حتى نجح عاد جاه النحيب نعذرهم فالخسارة اختلفت لذواق كاين اللي "الباك" كان دايرو لحبيب يا اللي خسرت معايا دير اتفاق خذ "باكي" وجيب لي غير فاتحة نصيب يا اللي تقولّي كيف كان الفراق؟! الفراق راه الرضيع فيه يشيب كان بالعين ماشي بالتعناق والمحبوب حلف ما يكون قريب والشمس حارة تسيل لعراق والقلب للدموع دَرْ سْكيبْ تسالى الكلام وتسالاوْ لوراق نهار الفراق ما يفيد رغيب لساني بكم وما بغى تعياق وكبريائي دايرة رقيب اللّي يحلم لازمو لفياق وكلمة "لا" فقلبي شاعلة لهيب بمبروك النجاح ما نطقْ نطّاقْ حتى العديان كان قلبهم رْطيبْ قالوا اليوم لا بد من الفراق آجيوا نتوادعوا ونساوْا العيب أما أنا الوداع كان عليا شاق ما توصفوش حتى كلمة رهيب تفارقنا وتل...

  مثلت الحب فرس بلا لجام ما يسوقو غير اللي ركبو بالمقلوب يوالف اللي سايسو بحلاوة لكلام وعمرلو وذنو غير كذوب مثلت الحب فرس بلا لجام ما يركبو غير اللي عينو معصوب بغيت نركبو وزلت بيا لقدام على وجهي جابني مكبوب قلت ليه علاش تبغي لخصام؟! قالّي هادشي فزهرك مكتوب لا تحب لا تبّعْ الغرام إلا يْلا كان عندك صبر أيوب